Myndband: Curtis Jones reifst við liðsfélagana eftir leik

Curtis Jones, Dominik Szoboszlai og Kostas Tsimikas Liverpool áttu í rifrildum eftir 1-0 sigur liðsins á Wrexham í æfingaleik í New York í gærnótt.

Myndbönd náðust af leikmönnunum þar sem þeir tókust á þegar liðið gekk yfir völlinn til að þakka stuðningsmönnum.

Óljóst er hvað olli orðaskiptunum en Jones virðist hafa átt upptökin. Í leiknum afhenti Szoboszlai fyrirliðabandið til Tsimikas frekar en Jones þegar honum var skipt af velli. Í rifrildinu sást Tsimikas henda fyrirliðabandinu á jörðina.