Daniel Munoz til Forest (Staðfest)

Nottingham Forest hefur gengið frá 22 milljóna punda kaupum á kólumbíska hægri bakverðinum Daniel Munoz frá Crystal Palace.

Hann spilaði undir stjórn Oliver Glasner stjóra Forest hjá Palace þar sem þeir unnu saman FA-bikarinn og Sambandsdeildina.

Hann hefur skrifað undir þriggja ára samning eftir að hafa spilað síðustu tvö og hálft ár á Selhurst Park og skorað 11 mörk í 109 leikjum. Munoz gæti spilað sinn fyrsta leik með Forest gegn Tottenham Hotspur í ensku úrvalsdeildinni á laugardaginn.

„Forest er lið með frábæra leikmenn, mikla eiginleika og mikla möguleika. Það eru stór markmið fyrir framtíðina," segir Munoz sem á 51 landsleik að baki.

Forest gerði 2-2 jafntefli gegn Liverpool á laugardaginn, eftir að hafa tapað í fyrstu umferð.