Fimmta umferð Pepsi-deildarinnar fór fram í gærkvöldi og var boðið upp á góða skemmtun.

Nýliðar Víkings sóttu þrjú stig til Vestmannaeyja með 2-1 sigri og eiga tvo fulltrúa í liði umferðarinnar; Þá Igor Taskovic og Todor Hristov.

Framarar gerðu 1-1 jafntefli við Breiðablik þar sem Ögmundur Kristinsson fór hamförum í marki þeirra bláklæddu og er hann verðskuldað í liði umferðarinnar. Þórður Ingason var einnig frábær gegn KR í Grafarvogi, en Ögmundur var enn betri.

Í Grafarvoginum, þar sem Fjölnir og KR gerðu 1-1 jafntefli, eru þeir Haukur Lárusson hjá Fjölni og Gary Martin í liði umferðarinnar. Ekki bara af því þeir skoruðu, Gary var frábær fram á við og sífellt ógn og Haukur var öflugur í hjarta varnarinnar.

Þór vann 5-2 sigur gegn Fylki á Akureyri og þeir Hlynur Atli Magnússon og Jóhann Helgi Hannesson komast báðir verðskuldað í liðið.

Þeir Elías Már Ómarsson, Davíð Þór Viðarsson, James Hurst og Daníel Laxdal eru einnig í liðinu úr leikjum Keflavíkur og FH, og Stjörnunnar og Vals, sem báðir enduðu með 1-1 jafntefli.