Dóri DNA.
„Tilfinning var ótrúleg af mörgum ástæðum," sagði skemmtikrafturinn Halldór Laxness Halldórsson, betur þekktur sem Dóri DNA, í samtali við Fótbolta.net í gær. Hann var þar að tala um leik Íslands og Argentínu sem hann mætti. „Þetta var fyrsti fótboltaleikurinn í útlöndum sem ég fer á," sagði Dóri.
Mið-Ísland hópurinn kom óvænt til Gelendzhik í dag og skemmti þar fyrir bæði landsliðið og síðan fyrir fjölmiðlamenn frá Íslandi, allt í boði Vodafone. Dóri er einn af meðlimum Mið-Ísland.
Mið-Ísland hópurinn kom óvænt til Gelendzhik í dag og skemmti þar fyrir bæði landsliðið og síðan fyrir fjölmiðlamenn frá Íslandi, allt í boði Vodafone. Dóri er einn af meðlimum Mið-Ísland.
Með gríðarlegar fjárhæðir á leiknum
Dóri veðjaði á sigur Íslands í leiknum. Hann setti 800 evrur (um 100 þúsund íslenskar krónur) á sigur Íslands. Hann tapaði því þeim fjárhæðum en gekk sáttur frá borði í Moskvu.
„Ég var náttúrulega með gríðarlegar fjárhæðir á sigur Íslands í þessum leik þannig að ég þurfti að éta hjartapillur allan tímann. En svo var þetta svo yfirþyrmandi," sagði Dóri sem grét allan leikinn.
„Ég var eins og draugur eftir leikinn. Þetta er eitthvað sem maður endurtekur."
„Þetta er bara minningin þegar ég tapaði 800 evrum á Íslandi. Ef við hefðum tapað þá hefði ég mögulega skallað vegg, ef af því að þetta var jafntefli þá kom ég út á jöfnu."
„Ég sé ekki eftir neinu," sagði Dóri en viðtalið er í heild sinni í spilaranum hér að ofan. Hann telur að Ísland fari upp úr riðlinum.
Athugasemdir
