Manchester United gerði jafntefli gegn Burnley í dag þar sem Zeki Amdouni tryggði Burnley stigið með marki úr vítaspyrnu.
Erik ten Hag var ekki ánægður með dómgæsluna í leiknum en United menn kölluðu tvisvar eftir því að fá vítaspyrnu í leiknum.
„Óheppni og við höfum ekki verið heppnir með dómgæslu undanfarið. Við höfum fengið á okkur svo margar vítaspyrnur, þessi er réttlætanleg en ekki aðrar. Ef þú skoðar Wan-Bissaka í bikarnum, hvað er þá þetta?" Sagði Ten Hag og vitnaði þá í atvik þar sem Sander Berge tæklaði Alejandro Garnacho í teignum.
„Við verðum að líta í eigin barm. Við gerðum mistök en þú tekur ábyrgð."
Athugasemdir
