Þeir gerðu Liverpool gott tilboð en Liverpool vildi ekki selja. Coutinho bað svo um sölu, en enn vildi Liverpool ekki selja. Coutinho varð áfram í herbúðum Liverpool, en hvað hefur hann að segja?

„Það sem gerðist var að það kom upp starfstilboð, eins og gengur og gerist í lífinu. Stundum hefurðu áhuga og stundum ekki, og í þessu tilfelli, eins og allir vita, þá hafði ég áhuga," sagði Coutinho, en hann ræddi við brasilísku útgáfuna af ESPN.

„Það er mikill heiður að fá tilboð í sig frá svona frábæru félagi, en það er líka mikill heiður að vera hér - Liverpool er frábært félag."

„Núna er ég hérna og ég mun gera mitt besta, eins og alltaf."