Það er komið að sunnudagsslúðrinu. Heltu þér upp á kaffibolla og lestu slúðrið.
Barcelona, Real Madrid og Juventus hafa mikinn áhuga á Sadio Mane (25), leikmanni Liverpool. (Mirror)
Florentino Perez, forseti Real Madrid, hefur hafið viðræður við Alexis Sanchez (28), leikmann Arsenal, um mögulega félagaskipti til Spánar- og Evrópumeistaranna. (Don Balon)
Tottenham hefur áhuga á Andre Gomes (24), miðjumanni Barcelona, en það gæti þýtt að Ross Barkley (23) fari ekki til Spurs. Barkley er hjá Everton en samningur hans rennur út þegar næsta sumar gengur í garð. (Sun)
Watford hefur áhuga á Omar Elabdellaoui (25), hægri bakverði Olympiakos. Samningur hans rennur út næsta sumar. (Daily Mail)
Leicester er að ganga frá kaupum á miðjumanninum Adrien Silva (28) fyrir 22 milljónir punda eftir að hafa fengið leyfi frá FIFA. Hann kemur til Leicester frá Sporting Lisbon. (Mirror)
Jean Michel Seri (26) ætlar að klára þetta tímabil hjá Nice. Þessi miðjumaður vakti athygli Barcelona í sumar. (ESPN)
Isco (25), miðjumaður Real Madrid, hafnaði Barcelona þar sem Lionel Messi er þar. (Diario Gol)
Luka Modric (32) bað Gareth Bale (28), liðsfélaga sinn hjá Real Madrid, að íhuga skipti til Manchester United. (Don Balon)
Jack Butland (24), markvörður Stoke og enska landsliðsins, er ánægður að vera orðaður við Manchester United. (Daily Mail)
Jurgen Klopp, stjóri Liverpool, keypti ekki miðvörð í sumar þar sem hann fann ekki rétta kostinn eftir að hafa misst af Virgil van Dijk (26), varnarmanni Southampton. (Metro)
Paris Saint-Germain ætlar að láta fimm leikmenn fara í janúar; Julian Draxler (23), Angel Di Maria (29) og Lucas Moura (25) eru allir á förum frá Parísarliðinu. (Mundo Deportivo)
Everton ætlar að kaupa Federico Martinez (21), kantmann frá Úrúgvæ, sem spilar með Liverpool FC í heimalandinu. (Sun)
Athugasemdir