Valur og ÍA mættust á Hlíðarenda í kvöld og eru Skagamenn komnir í úrslitaleik Lengjubikarsins og mæta þar Breiðablik. Arnar
„Mér fannst við vera frekar hægir svona í okkar spilamennsku í fyrri hálfleik þó við höfum stjórnað ferðinni svona lang tímum saman. Við létum boltann ganga alltof hægt og fórum í erfiða hluti og við sköpuðum ekki mikið í fyrri hálfleik." voru fyrstu viðbrögð Arnars Grétarssonar þjálfara Vals eftir leikinn í kvöld.
Lestu um leikinn: Valur 5 - 6 ÍA
„Í seinni hálfleik var allt annar bragur á okkur. Við gerðum hlutina þar að meiri ró og sköpuðum alveg helling af færum og mér fannst sérstaklega svona síðustu þrjátíu þá vorum við að spila mjög vel og fara milli lína, ekki alltaf bara til hliðanna og komumst í góðarstöður og við eðlilegar aðstæður þá hefðum við átt að skora allaveganna þrjú mörk í seinni hálfleik en inn vildi boltinn ekki."
Gylfi Þór Sigurðsson fékk rúmar 20 mínútur í kvöld og ætla Valsmenn að fara hægt á stað með hann enda Gylfi að koma til baka eftir meiðsli.
„Það er orðinn svolítill tími síðan hann spilaði fótbolta en hann er búin að vera æfa þónokkuð undanfarið og lítur vel út, klárar núna og ekkert bakslag og ég held að það sjái það allir að hann er enþá drullu góður í fótbolta."
Viðtalið í heild sinni má sjá í sjónvarpinu hér að ofan.