Heimild: Heimasíða KR
Guðmundur Andri Tryggvason skoraði í kvöld sitt fyrsta mark fyrir meistaraflokk KR í 2-0 sigri á Fram á Reykjavíkurmótinu.
Hann varð þar með yngsti markaskorari meistaraflokks KR í mótsleik.
Hann varð þar með yngsti markaskorari meistaraflokks KR í mótsleik.
Andri bætti sex ára gamalt met Ingólfs Sigurðssonar um tæpt ár en þetta kemur fram á heimasíðu KR.
Ingólfur var 16 ára og 64 daga gamall þegar hann skoraði í 9-2 sigri á Leikni í Lengjubikarnum 17. apríl 2009.
Andri er fæddur 4. nóvember 1999 og er því 15 ára og 79 daga gamall. Markið sem Andri skoraði var 989. mark KR á Reykjavíkurmóti og 4612. mark mfl. KR.
Hann er með markaskorun í genunum enda er hann sonur Tryggva Guðmundssonar sem er markahæsti leikmaður allra tíma í efstu deild hér á landi.
Athugasemdir