Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24392 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
<p>Alexander Rafn Pálmason leikmaður KR fer til FC Nordsjælland sumarið 2026, en það kemur fram í fréttatilkynningu frá KR. Hann skrifar undir þriggja ára samning, en ástæðan fyrir því að hann fer ekki strax er sú að leikmenn þurfa að vera orðnir 16 ára gamlir til þess að skipta yfir í erlent lið.</p>
Vinstri bakvörðurinn Miguel Gutierrez er genginn í raðir Napoli frá Girona en hann er keyptur á um 20 milljónir punda. Hann stóðst læknisskoðun í dag og skrifaði svo undir fimm ára samning. Gutierrez hélt upp á 24 ára afmæli sitt í síðasta mánuði en hann var í akademíu Real Madrid. Hann var svo seldur til Girona fyrir 4 milljónir evra 2022 og spilaði feikilega vel. Læknisskoðunin var mjög ítarleg því hann fór í aðgerð í maí vegna ökklameiðsla.
Norski miðjumaðurinn Sverre Nypan er genginn í raðir Middlesbrough á láni frá Manchester City út tímabilið sem var að hefjast. Nypan er gífurlega efnilegur leikmaður sem gekk á dögunum í raðir Man City frá Rosenborg þar sem hann byrjaði að spila með aðalliðinu þegar hann var 15 ára gamall.
Jackson Tchatchoua hefur verið keyptur til Wolves frá ítalska A-deildarliðinu Hellas Verona fyrir 10,8 milljónir punda. Þessi 23 ára kamerúnski landsliðsmaður getur spilað sem hægri bakvörður eða vængbakvörður og var hraðasti leikmaður ítölsku A-deildarinnar á síðasta tímabili samkvæmt mælingum.
Ben Doak er genginn til liðs við Bournemouth frá Liverpool. Kaupverðið er í kringum 25 milljónir punda. Hann skrifar undir fimm ára samning við félagið. Liverpool hefur selt leikmenn fyrir rúmlega 227 millljónir punda í sumar.
Nottingham Forest hefur varið miklum fjárhæðum í leikmannakaup síðustu daga. Það heldur áfram núna í morgunsárið því félagið hefur gengið frá kaupum á franska sóknarmanninum Arnaud Kalimuendo. Forest borgar um 25 milljónir punda til að kaupa Kalimuendo frá Rennes í Frakklandi.
Newcastle hefur gengið frá kaupum á enska miðjumanninum Jacob Ramsey frá Aston Villa fyrir 40 milljónir punda.
Franski varnarmaðurinn Nordi Mukiele er genginn til liðs við Sunderland frá Paris Saint-Germain fyrir 9,5 milljónir punda.
Everton er búið að ganga frá kaupum á markverðinum Tom King sem kemur frá Wolves og gerir tveggja ára samning.
James McAtee er annar leikmaðurinn sem Nottingham Forest kynnir til leiks í dag eftir Omari Hutchinson.
Brentford er búið að ganga frá kaupum á Dango Ouattara sem kemur úr röðum Bournemouth fyrir um 42 milljónir punda.
Nottingham Forest er búið að staðfesta kaup á Omari Hutchinson sem kemur til félagsins úr röðum Ipswich Town.
Franski varnarmaðurinn Jules Kounde hefur framlengt samning sinn við Barcelona til 2030.
AC Milan er búið að ganga frá kaupum á Zachary Athekame, svissneskum hægri bakverði sem kemur úr röðum Young Boys.
Franski kantmaðurinn Kingsley Coman er búinn að skipta yfir til Al-Nassr í Sádi-Arabíu.
Varnarmaðurinn ungi Giovanni Leoni er orðinn leikmaður Liverpool en félagið kaupir hann á 26 milljónir punda frá Parma og gæti sú upphæð hækkað eftir ákvæðum. Hann gerir sex ára samning. Leoni er 18 ára gamall miðvörður og er talið að hann verði í næsta landsliðshópi Ítalíu. Hann á sjö landsleiki fyrir U19 lið þjóðarinnar. Hann vakti mikla athygli á síðasta tímabili með Parma í ítölsku A-deildinni, spilaði 17 leiki og skoraði eitt mark. Hann var áður hjá Padova og Sampdoria. <i>„Ég er mjög ánægður og stoltur af því að vera hérna. Ég var alveg upp með mér þegar ég heyrði af áhuga Liverpool,"</i> segir Leoni. <i>„Ég horfi á leikinn gegn Bournemouth í kvöld úr stúkunni og eftir leikinn hefst nýr kafli hjá mér."</i>
Á gluggadeginum fékk Leiknir Jónatan Ari Bragason í sínar raðir. Hann fékk félagaskipti frá Danmörku. Hann var skráður í lið AB Tårnby sem spilar í neðri deildum Danmerkur. Hann hafði verið á reynslu hjá Jóa Kalla og félögum í AB Kaupmannahöfn síðasta sumar, en fékk ekki samning. Hann er stór og stæðilegur miðvörður sem er fæddur árið 2006. Hann er fluttur er til Íslands og er mættur í Leikni. Hann er sonur fyrrum landsliðskonunnar Erlu Hendriksdóttur sem lék á sínum tíma 55 A-landsleiki og skoraði í þeim fjögur mörk.
Kvennalið FH bætti við sig einum leikmanni rétt áður en félagaskiptaglugginn lokaði. Alexa Ariel Bolton samdi við félagið rétt áður en glugginn lokaði og kemur til með að spila með FH út tímabilið.
Sóknarmaðurinn Dominic Calvert-Lewin verður formlega orðinn leikmaður Leeds United í dag en Daniel Farke, stjóri Leeds, staðfesti þetta á fréttamannafundi rétt í þessu. Greint var frá því í vikunni að Calvert-Lewin væri á leið í læknisskoðun hjá Leeds og nú er allt frágengið. <i>„Hann mun styrkja okkur. Við erum allir hæstánægðir með að hann muni klæðast treyju Leeds,"</I> segir Farke.
Nathan Broadhead er genginn til liðs við Wrexham fyrir metfé. Hollywood leikararnir, Ryan Reynolds og Rob McElhenny, eigendur Wrexham, eru svo sannarlega búnir að leggja mikið í félagið en Broadhead var keyptur fyrir metfé.