Brentford er búið að ganga frá kaupum á Dango Ouattara sem kemur úr röðum Bournemouth fyrir um 42 milljónir punda.
Ouattara verður því dýrasti leikmaður í sögu Brentford en hann kom að 13 mörkum í 37 leikjum í öllum keppnum á síðustu leiktíð.
Hann er kantmaður og er keyptur til að fylla í skarðið sem Bryan Mbeumo skilur eftir sig með félagaskiptum sínum til Manchester United.
Ouattara er fimmti leikmaðurinn sem gengur til liðs við Brentford í sumar eftir Jordan Henderson, Michael Kayode, Caoimhín Kelleher og Antoni Milambo.
Brentford er enn í leit að nýjum framherja til að fylla í skarðið fyrir Yoane Wissa ef hann verður seldur til Newcastle. Brentford vill ekki selja Wissa fyrr en arftaki finnst.
Bournemouth er búið að selja mikið af öflugum leikmönnum í sumar og verður áhugavert að fylgjast með gengi liðsins á tímabilinu.
15.08.2025 07:00
Ouattara á leið til Brentford fyrir metfé
Adding to our attack ????
— Brentford FC (@BrentfordFC) August 16, 2025
Welcome to Brentford, Dango Ouattara ?????? pic.twitter.com/Loy2WHfcim
Athugasemdir
