FRÉTTIR14.08.2025, 23:30
ÍBV tryggði sér sæti í Bestu deildinni á næstu leiktíð í kvöld þegar liðið vann Keflavík á útivelli. Allison Grace Lowrey var hetja liðsins en hún skoraði bæði mörkin.
ÍBV er með ellefu stiga forystu á Grindavík/Njarðvík sem situr í 3. sæti þegar níu stig eru eftir í pottinum. ÍBV hefur náð ótrúlegum árangri en liðið hefur aðeins gert eitt jafntefli og tapað einum leik á tímabilinu.
Emma Nicole Phillips skoraði þrennu fyrir Grindavík/Njarðvík í sigri gegn KR. Sex stigum munar á HK, Grindavík/Njarðvík og Gróttu í 2.-4. sæti en öll liðin hrósuðu sigrum í kvöld.
Þá vann Afturelding kærkominn sigur í fallbaráttuslag gegn Fylki en liðin eru í mjög vondri stöðu.
FRÉTTIR14.08.2025, 08:20
Belgíski reynsluboltinn Axel Witsel er búinn að skrifa undir eins árs samning við Girona í efstu deild spænska boltans. Það er möguleiki á framlengingu um auka ár ef ákveðnum skilyrðum verður mætt.
FRÉTTIR14.08.2025, 08:00
Belgíski varnarmaðurinn Koni De Winter er búinn að velja AC Milan sem næsta áfangastað þrátt fyrir mikinn áhuga úr ensku úrvalsdeildinni.
FRÉTTIR14.08.2025, 06:00
Markvörðurinn Arijanet Muric er kominn til ítalska félagsins Sassuolo á lánssamningi með kaupmöguleika.
FRÉTTIR13.08.2025, 22:22
Framherjinn Pétur Bjarnason er kominn aftur til Vestra eftir að hafa verið á láni hjá KFK fyrri part sumars.
FRÉTTIR13.08.2025, 22:08
Guðmundur Magnússon er búinn að skipta yfir til Breiðabliks þar sem hann mun leika á lánssamningi út tímabilið.
FRÉTTIR13.08.2025, 21:53
ÍBV er búið að krækja sér í Indriða Áka Þorláksson sem flytur til Vestmannaeyja eftir að hafa síðast leikið með Njarðvík í Lengjudeildinni í fyrra.
FRÉTTIR13.08.2025, 14:04
Stjarnan tilkynnti rétt í þessu að félagið hefði komist að samkomulagi við sænska félagið BK Häcken um félagaskipti Eyrúnar Emblu Hjarardóttur.
Eyrún Embla gengur í raðir sænska stórliðsins eftir fimm ár hjá Stjörnunni. Hún kom frá Snæfellsnesi fyrir tímabilið 2021.
FRÉTTIR13.08.2025, 12:09
Damil Dankerlui er genginn í raðir Stjörnunnar, hann er þriðji leikmaðurinn sem Stjarnan tilkynnir í dag, á þessum lokadegi félagaskiptagluggans.
Damil er 28 ára hægri bakvörður sem á 135 leiki í efstu deild Hollands, Eredivisie. Þar lék hann með Ajax, Willem II og Groningen. Hann hefur einnig spilað í Grikklandi og síðast lék hann með Almere í hollensku B-deildinni.
Í tilkynningu Stjörnunnar er Damil lýst sem hröðum og öflugum varnarmanni með mikla reynslu gegn sterkustu sóknarmönnum Hollands.
FRÉTTIR13.08.2025, 11:40
Stjarnan ætlar sér samkvæmt heimildum Fótbolta.net að styrkja sig fyrir gluggalok, þétta raðirnar fyrir endasprettinn í Bestu deildinni. Líklega eru tveir landsliðsmenn Síerra Leóne á leið í Garðabæinn.
Blaðamaðurinn Petros Katta, sem fjallar um fótbolta og fótboltamenn með tengingu við Síerra Leóne, birti í gær færslu um að tveir landsliðsmenn Síerra Leóne væru orðaðir við Stjörnuna.
<b>Uppfært 11:40:</b> Stjarnan hefur tilkynnt um komu leikmannanna tveggja.
FRÉTTIR13.08.2025, 10:30
Bournemouth hefur gengið frá kaupum á franska miðverðinum Bafode Diakite frá Lille fyrir 34,6 milljónir punda.
Þessi 24 ára leikmaður kostar 30,3 milljónir punda og gæti það verð hækkað um 4,3 milljónir punda eftir ákvæðum. Hann er því næst dýrasti leikmaður í sögu Bournemouth.
Hann lék 31 leik í frönsku deildinni á síðasta tímabili þegar Lille hafnaði í fimmta sæti. Þar lék hann með íslenska landsliðsmanninum Hákoni Arnari Haraldssyni.
FRÉTTIR13.08.2025, 10:23
Brynjar Hlöðvers hefur fengið félagaskipti heim í Leikni eftir að hafa leikið með KFK í 3. deildinni fyrri hluta sumars og á síðasta tímabili.
Binni er uppalinn í Leikni og hafði fyrir árið í fyrra einungis leikið með Leikni og venslafélaginu KB á Íslandi.
Hann er fæddur árið 1989 og var árið 2014 hluti af liði Leiknis sem vann 1. deildina og lék með liðinu í efstu deild 2015. Hann fór svo aftur upp með liðinu 2020 og lék í efstu deild 2021 og 2022.
FRÉTTIR13.08.2025, 08:30
Gríski markvörðurinn Odysseas Vlachodimos er mættur til Sevilla á láni frá Newcastle United út tímabilið.
FRÉTTIR13.08.2025, 06:00
Spænski framherjinn Alvaro Morata hefur loksins fengið félagaskipti sín til Como í gegn, tveimur mánuðum eftir að hafa náð samkomulagi við félagið.
FRÉTTIR13.08.2025, 06:00
Sunderland hefur gengið frá kaupum á Omar Alderete frá spænska félaginu Getafe fyrir 10,4 milljónir punda. Hann er ellefti leikmaðurinn sem nýliðarnir fá í sumar.
FRÉTTIR12.08.2025, 23:24
Stjörnukonur hafa landað bandaríska markverðinum Bridgette Nicole Skiba frá Lexington í USL-deildinni.
FRÉTTIR12.08.2025, 22:40
Valur hefur lánað miðvörðinn Daða Kárason til Selfoss út þetta tímabil.
FRÉTTIR12.08.2025, 21:13
Þýski miðvörðurinn Malick Thiaw er genginn í raðir Newcastle United frá AC Milan.
FRÉTTIR12.08.2025, 19:34
Framherjinn Aron Skúli Brynjarsson er mættur til Leiknis frá Augnabliki en hann gerir samning út tímabilið.
FRÉTTIR12.08.2025, 15:41
Jack Grealish er kominn til Everton á lánssamningi frá Manchester City út komandi tímabil.
Þessi 29 ára leikmaður er sjötti leikmaðurinn sem Everton fær til sín í sumar; á eftir Kiernan Dewsbury-Hall, Charly Alcaraz, Thierno Barry, Mark Travers og Adam Aznou.
