Gríski markvörðurinn Odysseas Vlachodimos er mættur til Sevilla á láni frá Newcastle United út tímabilið.
Vlachodimos er 31 árs gamall og spilað á Englandi síðustu tvö tímabil.
Hann lék með Nottingham Forest tímabilið 2023-2024 áður en hann fór til Newcastle árið eftir.
Hjá Newcastle var hann í hlutverki þriðja markvarðar og spilaði aðeins einn leik allt tímabilið, en hann er nú farinn til spænska félagsins Sevilla á láni út tímabilið.
Vlachodimos er fæddur í Þýskalandi og hóf feril sinn hjá Stuttgart, ásamt því að vera í öllum yngri landsliðum Þjóðverja áður en hann ákvað að skipta yfir í gríska landsliðið þar sem báðir foreldrar hans eru grískir.
Hann á 48 A-landsleiki með Grikkjum.
Athugasemdir
