Fotbolti.net

Leita

Leita í fréttum

Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.

Leitarhamur

Dagsetning

Ef ekkert leitarorð er slegið inn notar síðan dagsetninguna sem einfalt fréttasafnsfilter.

Niðurstöður

Leit að "(Staðfest)" í fyrirsögnum skilaði 24440 niðurstöðum.

Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.

Niðurstöður

FRÉTTIR14.10.2023, 10:16

Theodór Elmar framlengir við KR (Staðfest)

Theodór Elmar Bjarnason hefur skrifað undir nýjan tveggja ára samning við KR og er nú bundinn uppeldisfélagi sínu til 2025. Elmar er 36 ára miðjumaður sem lék 41 landsleik fyrir Ísland á landsliðsferli sínum og lék með liðinu á EM. Hann lék í atvinnumennsku 2004 til 2021 en þá kom hann aftur til KR. Samningamál hans hafa verið talsvert til umræðu síðustu mánuði en nú hefur hann bundið enda á allan vafa með því að skrifa undir. <i>„Ég er fæddur og uppalinn hérna í Vesturbænum. Hér vil ég helst vera,"</i> sagði Elmar í upphafi mánaðarins. KR hafnaði í sjötta sæti Bestu deildarinnar á liðnu tímabili en ekki er enn ljóst hver verður þjálfari liðsins á næsta tímabili. Stjórn félagsins ákvað að endursemja ekki við Rúnar Kristinsson.

FRÉTTIR13.10.2023, 16:29

Óskar Örn ráðinn til Víkings (Staðfest)

Knattspyrnudeild Víkings hefur ráðið Óskar Örn Hauksson sem styrktarþjálfara meistaraflokk karla og tekur við keflinu af Guðjóni Erni Ingólfssyni sem fór til KR. Óskar er menntaður íþróttafræðingur frá HR og útskrifaður úr ÍAK styrktarþjálfunnám frá Keili.

FRÉTTIR12.10.2023, 17:00

Galtier tekur við Al-Duhail af Crespo (Staðfest)

Christophe Galtier hefur tekið við sem stjóri Al-Duhail í Katar af Hernan Crespo. Galtier vann franska meistaratitilinn með Paris St-Germain á síðasta tímabili en var skipt út í sumar fyrir Luis Enrique.

FRÉTTIR12.10.2023, 16:45

Andri Þór í Ægi (Staðfest)

Ægir hefur gengið frá tveggja ára samningi við Andra Þór Grétarsson sem kemur til félagsins frá KFK þar sem hann spilaði í sumar. Andri hefur glímt við erfið meiðsli en náði að spila talsvert í sumar. Andri lék fimmtán leiki með KFK og hjálpaði liðinu að komast upp í 3. deild og undanúrslit Fótbolti.net bikarsins.

FRÉTTIR11.10.2023, 17:00

Townsend samdi við Luton (Staðfest)

Andros Townsend fyrrum vængmaður Everton hefur skrifað undir samning við nýliða Luton Town en samningurinn gildir til janúar. Þessi 32 ára leikmaður var nálægt því að semja við Burnley í sumar en félagið dró tilboð sitt til baka þar sem það vildi ekki hindra spilmínútur ungra leikmanna.

FRÉTTIR11.10.2023, 15:44

Marko Vardic í ÍA (Staðfest)

Miðjumaðurinn Marko Vardic hefur skrifað undir tveggja ára samning við ÍA, sem gildir út leiktíðina 2025. Vardic er 28 ára Slóveni sem getur einnig spilað í miðverði. Hann spilaði 30 leiki fyrir Grindavík síðasta tímabil og skoraði fjögur mörk. Hann var kjörinn besti leikmaður Grindavíkur síðasta tímabil.

FRÉTTIR11.10.2023, 13:00

Selfoss lánar Gonzalo til uppeldisfélagsins (Staðfest)

Gonzalo Zamorano, sem er samningsbundinn Selfossi, hefur verið lánaður til CD El Alamo á Spáni. Sóknarmaðurinn er uppalinn hjá félaginu sem staðsett er í Madríd og er með lið í fjórðu deild.

FRÉTTIR11.10.2023, 10:10

Rooney nýr stjóri Birmingham (Staðfest)

Birmingham City hefur ráðið Wayne Rooney, fyrrum sóknarmann Manchester United og Englands, sem nýjan stjóra félagsins. Birmingham hefur verið að gera góða hluti í Championship-deildinni og er í sjötta sæti. John Eustace var hinsvegar rekinn, af þeirri einu ástæðu að forráðamenn félagsins vildu fá inn stjörnu til að vera andlit félagsins.

FRÉTTIR10.10.2023, 10:25

Hazard leggur skóna á hilluna (Staðfest)

Eden Hazard hefur tilkynnt að hann hefur lagt skóna á hilluna eftir að hafa yfirgefið Real Madrid eftir síðasta tímabil. Hazard er 32 ára og gekk í raðir Real frá Chelsea árið 2019 fyrir 89 milljónir punda en lék aðeins 54 deildarleiki fyrir spænsku risana.

FRÉTTIR09.10.2023, 22:00

Johan Lange ráðinn til Tottenham (Staðfest)

Tottenham hefur staðfest ráðningu á Johan Lange sem tæknilegum stjóra félagsins. Lange mun hefja störf eftir næstu mánaðamót en hann hefur verið hjá Aston Villa undanfarin ár.

FRÉTTIR09.10.2023, 17:13

Bjössi Sigurbjörns áfram á Selfossi (Staðfest)

Björn Sigurbjörnsson, sem þjálfað hefur meistaraflokk kvenna á Selfossi undanfarin tvö tímabil, hefur skrifað undir nýjan tveggja ára samning við félagið. Frá þessu var greint á samfélagsmiðlum félagsins í dag. Á fyrsta tímabili Björns hafnaði liðið í 5. sæti Bestu deildarinnar en liðið féll síðan úr deildinni í sumar eftir að hafa verið spáð 6. sætinu í spá Fótbolta.net fyrir tímabilið. Björn hefur mikla þjálfarareynslu en hann var aðstoðarþjálfari meistaraflokks kvenna hjá Kristianstads í Svíþjóð tíu ár og tók þátt í uppbyggingu yngri flokka starfs félagsins frá árinu 2015. Áður en hann hélt erlendis hafði hann verið aðstoðarþjálfari bæði hjá karla- og kvennaliðum Víkings og þjálfað yngri flokka hjá Víkingi, Þrótti R, Fram og Val.

FRÉTTIR09.10.2023, 17:05

Oliver Ekroth hjá Víkingi til 2026 (Staðfest)

Víkingar tilkynntu á samfélagsmiðlum sínum rétt í þessu að Oliver Ekroth hefði skrifað undir þriggja ára framlengingu á samningi sínum við félagið, gildir samningurinn út 2026. Sænski miðvörðurinn hefur verið algjör lykilmaður frá komu sinni til Víkings fyrir tímabilið 2022 og í sumar var hann einn allra besti varnarmaður deildarinnar og í liði ársins hér á Fótbolti.net.

FRÉTTIR09.10.2023, 16:09

Dofri Snorrason leggur skóna á hilluna (Staðfest)

Dofri Snorrason hefur lagt skóna á hilluna eftir þrettán tímabil í meistaraflokki. Frá þessu var fyrst greint í <a href="https://www.fotbolti.net/news/06-10-2023/b-islenskur-sludurpakki-bmm" target="_blank">íslenska slúðurpakkanum</a> og Dofri staðfesti tíðindin í dag við fréttamann Fótbolta.net. Dofri varð 33 ára í sumar og hefur á sínum ferli leikið með KR, Víkingi, Selfossi og síðast Fjölni á sínum ferli.

Sjá fyrri síðuSjá næstu síðu
Fotbolti.net

© Copyright 2002-2026 Fotbolti.net / Fotbolti Ehf. All rights reserved.