Súrnar á milli Chelsea og Maresca

Mikið var fjallað um ummæli Maresca á fréttamannafundi eftir sigur gegn Everton um miðjan desember. Þar gagnrýndi hann hluta stjórnenda opinberlega fyrir að standa ekki með sér á erfiðum köflum tímabilsins.

Gengi Chelsea, sem vann HM félagsliða síðasta sumar, hefur verið afleitt í desember þar sem liðið er aðeins með tvo sigra í níu leikjum í öllum keppnum.

Ýmsir fjölmiðlar greina frá ósætti á milli Maresca og Chelsea og tekur Fabrizio Romano undir þá orðróma.

Miðillinn talkSPORT bendir einnig á að Willy Caballero, aðstoðarþjálfari Maresca, hafi logið að fjölmiðlum eftir 2-2 jafntefli Chelsea gegn Bournemouth fyrir áramót.

Caballero svaraði spurningum í stað Maresca sem hann sagði vera veikan, en heimildir talkSPORT herma að ítalski þjálfarinn hafi ekki verið veikur.

Framundan eru tveir erfiðir útileikir fyrir Chelsea. Sá fyrri er gegn Manchester City 4. janúar og sá seinni er Lundúnaslagur gegn Fulham 7. janúar. Chelsea spilar í heildina 9 keppnisleiki í janúar.

TENGT EFNI31.12.25 - 17:00

Stuðningsmenn ósáttir og pressan orðin mikil