01.02.26 - 16:34
Ívan Guðjón Baldursson
Maignan orðinn launahæstur (Staðfest)
Mynd: Fótbolti.net - Haukur Gunnarsson
Mynd: Fótbolti.net - Haukur Gunnarsson
Franski markvörðurinn Mike Maignan verður áfram hjá AC Milan eftir að félaginu tókst að gera langtímasamning við hann. Maignan verður með nýja samningnum launahæsti leikmaður félagsins ásamt nokkrum stjörnum.
Talið er að Maignan fái mjög svipuð laun og portúgalska stórstjarnan Rafael Leao eftir að hafa skrifað undir, en aðeins Christian Pulisic, Adrien Rabiot og Christopher Nkunku eru taldir vera í sama launaflokki innan félagsins.
Maignan er algjör lykilmaður í liði Milan en samningur hans við félagið átti að renna út næstkomandi sumar.
Markvörðurinn hefur meðal annars verið orðaður við Manchester United, Juventus og Barcelona síðustu mánuði en verður áfram í Mílanó.
Milan er í titilbaráttu í Serie A, fimm stigum á eftir nágrönnum sínum í toppliði Inter.
Maignan er 30 ára gamall og gerir fjögurra og hálfs árs samning við Milan með möguleika á auka ári.
Maignan er algjör lykilmaður í liði Milan en samningur hans við félagið átti að renna út næstkomandi sumar.
Markvörðurinn hefur meðal annars verið orðaður við Manchester United, Juventus og Barcelona síðustu mánuði en verður áfram í Mílanó.
Milan er í titilbaráttu í Serie A, fimm stigum á eftir nágrönnum sínum í toppliði Inter.
Maignan er 30 ára gamall og gerir fjögurra og hálfs árs samning við Milan með möguleika á auka ári.
???? Sit back, relax, and enjoy the best of Mike ????????
— AC Milan (@acmilan) January 31, 2026
