Ofurtölvan segir Liverpool líklegast til að vinna titilinn

Ofurtölvur Opta og Nielsen's Gracenote gefa báðar Liverpool 48% líkur á því að vinna ensku úrvalsdeildina þetta tímabilið. Það var góður dagur fyrir Liverpool í gær þegar liðið vann Brighton áður en keppinautar liðsins um Englandsmeistaratitilinn; Manchester City og Arsenal, gerðu markalaust jafntefli innbyrðis.

Ofurtölva Opta reiknar út líkleg úrslit 10 þúsund sinnum en þetta er í fyrsta sinn á tímabilinu sem hún er með annað lið en Manchester City á toppnum í spá sinni.

„Það er alltaf það lið sem er efst sem er líklegast í mínum huga," sagði Pep Guardiola, stjóri Manchester City, eftir jafnteflið gegn Arsenal í gær.

Liverpool er með tveggja stiga forystu í deildinni.