01.05.06 - 13:10
Magnús Már Einarsson
Sigurður Donys í Huginn (Staðfest)
Mynd: SD
Mynd: SD
Sigurður Donys Sigurðsson mun leika með Huginn frá Seyðisfirði í annarri deildinni í sumar. Sigurður Donys sem er tvítugur fór til Keflvíkinga síðastliðið haust en hætti hjá liðinu þar sem hann þurfti að fara í uppskurð vegna hnémeiðsla.
Hann hefur náð fínum bata eftir meiðslin og mun líklega vera til í slaginn fyrir aðra umferðina í annarri deild sem er 21.maí en hann ku hafa farið í aðra deildina til að fá sem mesta leikæfingu í sumar til að byggja sig upp fyrir næsta tímabil.
Sigurður ólst upp hjá Einherja á Vopnafirði en fór í Þór árið 2003 þar sem hann lék átta leiki og skoraði eitt mark í fyrstu deildinni í fyrra. Sigurður sem á tvo U-19 ára landsleiki að baki byrjaði að vekja athygli haustið 2002 er nokkur lið á Englandi sýndu honum áhuga. Það voru meðal annars Manchester United, Newcastle, Middlesbrough, West Ham, FC Kaupmannahöfn og Stoke City en fjögur síðarnefndu félögin fengu hann til reynsluæfinga hjá sér.
Sigurður ólst upp hjá Einherja á Vopnafirði en fór í Þór árið 2003 þar sem hann lék átta leiki og skoraði eitt mark í fyrstu deildinni í fyrra. Sigurður sem á tvo U-19 ára landsleiki að baki byrjaði að vekja athygli haustið 2002 er nokkur lið á Englandi sýndu honum áhuga. Það voru meðal annars Manchester United, Newcastle, Middlesbrough, West Ham, FC Kaupmannahöfn og Stoke City en fjögur síðarnefndu félögin fengu hann til reynsluæfinga hjá sér.
