Birkir Kristinsson í Fram (Staðfest)

Ögmundur Kristinsson varamarkvörður Framara meiddist í leik með U19 ára landsliðinu fyrr í vikunni og því mun Birkir vera á varamannabekk Fram í kvöld þegar að liðið mætir Val í úrslitaleik Lengjubikarsins.

Birkir, sem er 43 ára gamall, er markmannsþjálfari Fram og hann verður liðinu til halds og trausts í sumar.

Birkir lék á sínum tíma með Fram en síðustu leikir hans á Íslandsmóti voru sumarið 2006 þegar hann brá sér á milli stanganna hjá ÍBV undir lok móts.