„Bravó Valur!" - Ástæður þess að Dóri Árna er ráðinn

Halldór Árnason var á dögunum ráðinn þjálfari Vals og tekur við eftir yfirstandandi tímabil. Hann fær núna það áhugaverða verkefni að leiða áfram nýja vegferð á Hlíðarenda sem snýr að því að byggja upp samkeppnishæft lið sem á að berjast um titla ásamt því að þróa áfram unga og efnilega leikmenn félagsins.

Halldór er öflugur þjálfari sem var síðast þjálfari Breiðabliks. Hann gerði Blika að Íslandsmeisturum 2024 en var þar áður aðstoðarþjálfari Óskars Hrafns Þorvaldssonar hjá Gróttu og Breiðabliki þar sem árangurinn var eftirtektarverður.

En hvernig einstaklingur er Dóri og hvernig þjálfari er hann? Af hverju er hann maðurinn sem Valur fær til að leiða verkefnið sitt áfram? Fótbolti.net ræddi við tvo einstaklinga sem þekkja hann vel og fékk svörin við því.