Forest kaupir Bowler og lánar beint til Olympiakos (Staðfest)
Bowler var hjá Everton áður en hann fór til Blackpool.
Mynd: EPA
Bowler var hjá Everton áður en hann fór til Blackpool.
Mynd: EPA
Nottingham Forest er búið að staðfesta kaup á Josh Bowler sem hefur verið lánaður beint út til systurfélags Forest í Grikklandi, Olympiakos.
Bowler er 23 ára kantmaður sem kom að 11 mörkum í 45 leikjum með Blackpool á síðustu leiktíð og er búinn að skora tvö mörk í sjö leikjum á nýju tímabili.
Forest er talið borga um 4 milljónir punda fyrir Bowler sem fer beint til Olympiakos rétt eins og liðsfélagi sinn Hwang Ui-jo sem var keyptur af Bordeaux á dögunum.
Bowler og Ui-jo munu reyna fyrir sér í toppbaráttunni í Grikklandi í deild með nokkrum Íslendingum þar sem Viðar Örn Kjartansson, Guðmundur Þórarinsson, Hörður Björgvin Magnússon og Sverrir Ingi Ingason leika einnig í deildinni. Ögmundur Kristinsson er leikmaður Olympiakos en ekki í áformum þjálfarans.
We are delighted to complete the signing of Josh Bowler ❤️
— Nottingham Forest FC (@NFFC) September 1, 2022
The winger will spend the remainder of the season on loan at @olympiacosfc ✍️#NFFC | #PL
