Víkingar máluðu Meistaravelli rauða - „Algjörlega ólíðandi og óþolandi“

„Það er búið að mála vegg í stúkunni og varamannaskýlin. Það er algjörlega óþolandi að þurfa að eyða deginum í að hreinsa upp eftir svona vitleysinga. Það er nóg af öðru að gera fyrir svona leik. Þetta er algjörlega ólíðandi og óþolandi,“ segir Pálmi.

Hann segir málninguna hafa farið utan á bæði varamannaskýlin og inn í skýli KR-inga ásamt því að málað var inn í stúkuna á Meistaravöllum og skrifað 'Vikes'. „Það sést greinilega hverjir hafa verið að verki hérna,“ segir Pálmi.

Aðspurður um hvort tjónið sé töluvert fjárhagslega segir Pálmi það verða að koma í ljós en lögreglan var kölluð til á Meistaravelli í morgun.

„Við verðum að reyna að hafa þetta þokkalegt fyrir leikinn í dag. Við erum að gera það sem við getum til þess að hafa þetta í lagi. Það er spurning hversu langt það nær,“ segir Pálmi að lokum.

Undirritaður gerði sér leið á Meistaravelli fyrr í morgun þar sem unnið var hörðum höndum að því að þvo málninguna af bæði stúkunni og varamannaskýlum.

Málningin var að mestu farin en greinileg ummerki voru um skemmdarverkin sem og tómar málningarfötur sem stuðningsmenn Víkings skildu eftir sig.

Álíka atvik gerðist fyrir hreinan í lokaleik Bestu deildarinnar árið 2024 þegar Breiðablik heimsótti Víkinga í hreinum úrslitaleik. Þá máluðu stuðningsmenn Breiðabliks rauða palla Víkings í grænum lit.