Aron ekki komið við sögu í glugganum - Mun hann ná leikjametinu?

Ísland á fjóra leiki eftir í riðlinum í C-deild Þjóðadeildarinnar og þyrfti Aron að koma við sögu í þeim öllum til þess að bæta metið.

Skyldi Ísland lenda í 2. sæti riðilsins mun liðið mæta liði úr B-deild í umspili næsta vor. „Þjóðadeildin þetta haustið verður mitt síðasta mót í treyjunni bláu," sagði Aron í færslu sinni á Instagram. Spurning er hvort að hann gefi kost á sér næsta vor fari svo að Ísland endi í umspilinu.

Næsti leikur Íslands er næstkomandi laugardag gegn Búlgaríu á Laugardalsvelli. Því næst heldur liðið til Tallinn og mætir Eistlandi á þriðjudaginn í næstu viku.