Vicario: Ég tek fulla ábyrgð á þessu

Stuðningsmenn Tottenham bauluðu á markvörð sinn, Guglielmo Vicario, eftir að hann gerði dýrkeypt mistök í 1-2 tapinu gegn Fulham.

Vicario var kominn langt út úr marki sínu og sparkaði beint á leikmann Fulham sem gerði það að verkum að Fulham skoraði sigurmarkið.

„Ég tek fulla ábyrgð á mistökunum í seinna markinu sem við fengum á okkur," skrifaði Vicario á Instagram.

„Svona stundir særa, sérstaklega þegar úrslitin eru ekki að falla okkur í vil. Það hefur aldrei verið mikilvægara að við berjumst meira og gefum allt fyrir félagið."

Gengi Tottenham hefur ekki verið gott og það er mikil pressa á stjóranum Thomas Frank.