Bikarmeistarar Crystal Palace hafa gengið frá kaupunum á norska landsliðsmanninum Jörgen Strand Larsen frá Wolves fyrir 48 milljónir punda sem er nýtt met hjá Lundúnafélaginu.
Palace ákvað að ganga frá skiptunum þrátt fyrir að franski sóknarmaðurinnn Jean-Philippe Mateta hafi fallið á læknisskoðun hjá AC Milan.
Mateta var á leið til Milan en það kom upp vandamál í læknisskoðuninni og fór það svo að hann sneri aftur til Lundúna og mun klára tímabilið með Palace.
Strand Larsen var númer eitt á óskalista Palace. Samkomulag náðist við Wolves, en Palace greiðir þeim 43 milljónir punda og fimm milljónir í árangurstengdar greiðslur.
Þetta er í annað sinn í þessum glugga sem Palace bætir félagaskiptamet sitt, en það gerði það snemma í glugganum þegar félagið keypti Brennan Johnson frá Tottenham fyrir 35 milljónir punda.
Strand Larsen er 25 ára gamall og skoraði 20 mörk og gaf 7 stoðsendingar í 64 leikjum með Úlfunum. Newcastle United reyndi að kaupa hann síðasta sumar en Wolves hafnaði öllum tilboðum félagsins.
We are delighted to announce the signing of Jørgen Strand Larsen from Wolverhampton Wanderers in a club-record deal ??????
— Crystal Palace F.C. (@CPFC) February 2, 2026
Athugasemdir
