Magni á Grenivík hefur sótt þá Hauk Leo Þórðarson og Pétur Orra Arnarson frá nágrönnum sínum í Þór. Magnamenn greina frá þessu á heimasvæði sínu á Facebook.
Haukur Leo er fæddur árið 2007 og þekkir vel til hjá Magna eftir að hafa spilað með liðinu seinni hluta síðasta tímabils.
Miðjumaðurinn kemur á láni út tímabilið eins og varnarmaðurinn Pétur Orri sem kemur einnig frá Þór.
Pétur er einnig fæddur 2007 en hann spilaði með Völsungi á síðasta ári og var áður hjá Kormáki/Hvöt.
Magni spilar í 2. deild í sumar eftir að hafa hafnað í öðru sæti 3. deildar á síðasta ári.
Athugasemdir
