Go Ahead Eagles 0-0 Ajax
Willum Þór Willumsson var í byrjunarliði GA Eagles í dag þegar liðið mætti stórliði Ajax í hollensku deildinni.
Ajax er í öðru sæti deildarinnar með jafn mörg stig og PSV sem situr í því þriðja en Feyenoord er með fimm stiga forskot á toppnum og með einn leik til góða. Willum og félagar eru ellefta sætinu.
Leiknum í dag lauk með markalausu jafntefli en Willum fékk fína dóma fyrir frammistöðu sína. Ajax náði að koma boltanum í netið í fyrri hálfleiknum þegar Mohammed Kudus skallaði boltann í netið en hann var hins vegar flaggaður rangstæður.
Ajax var meira með boltann og stýrði leiknum eins og gefur að skilja en náði ekki að skapa sér mikið af dauðafærum. GA Eagles fékk einnig sína sénsa en að lokum var ekkert mark skorað og því mjög gott stig staðreynd hjá heimamönnum.
Willum spilaði allan leikinn fyrir GA Eagles í dag.