Chelsea er búið að staðfesta að samkomulag náðist við spænska bakvörðinn Marcos Alonso um að binda enda á samning hans við félagið svo hann geti gengið í raðir Barcelona.
Börsunga vantaði vinstri bakvörð á meðan Chelsea var á höttunum eftir Pierre-Emerick Aubameyang, sóknarmanni Börsunga, og nýtti sér tækifærið.
Chelsea tókst að lækka kaupverð Aubameyang niður í 10 milljónir punda með því að semja við Barca um að binda enda á samning Marcos Alonso svo hann gæti skipt yfir á frjálsri sölu.
Barca var með alltof marga sóknarmenn í hóp og koma þessi félagsskipti sér vel fyrir félagið fjárhagslega.
Alonso, 31 árs, spilaði 212 leiki fyrir Chelsea, þar af 46 á síðustu leiktíð.
Athugasemdir