AIK staðfestir riftun við Kolbein - Gekk ekki eins og vonast var eftir
Kolbeinn er ásamt Eiði Smára Guðjohnsen markahæsti leikmaður Íslands frá upphafi með 26 mörk með landsliðinu.
Mynd: Fótbolti.net - Hafliði Breiðfjörð
Kolbeinn er ásamt Eiði Smára Guðjohnsen markahæsti leikmaður Íslands frá upphafi með 26 mörk með landsliðinu.
Mynd: Fótbolti.net - Hafliði Breiðfjörð
<i>„Því miður gekk vera hans hjá AIK ekki eins og allir aðilar höfðu vonast eftir. Við höfum nú gert samkomulag um að leiðir skilji eftir tímabilið. Við óskum Kolbeini velgengni í framtíðinni,"</i> segir Henrik Jurelius, íþróttastjóri AIK.
Landsliðsmaðurinn Kolbeinn Sigþórsson yfirgefur sænska úrvalsdeildarfélagið eftir tímabilið. AIK hefur staðfest þetta á heimasíðu sinni.
<i>„Ég vil þakka AIK fyrir tíma minn hjá félaginu og óska liðsfélögum og AIK velgengni á komandi árum,"</i> er haft eftir Kolbeini á heimasíðunni.
Landsliðsmaðurinn Kolbeinn Sigþórsson yfirgefur sænska úrvalsdeildarfélagið eftir tímabilið. AIK hefur staðfest þetta á heimasíðu sinni.
<i>„Ég vil þakka AIK fyrir tíma minn hjá félaginu og óska liðsfélögum og AIK velgengni á komandi árum,"</i> er haft eftir Kolbeini á heimasíðunni.
Hinn þrítugi Kolbeinn skoraði þrjú mörk í sænsku úrvalsdeildinni á síðasta tímabli en hann er ekki kominn á blað í 18 leikjum á þessu tímabili.
Kolbeinn kom til AIK eftir að hafa jafnað sig af erfiðum meiðslum sem héldu honum frá keppni í langan tíma.
Kolbeinn kom til AIK eftir að hafa jafnað sig af erfiðum meiðslum sem héldu honum frá keppni í langan tíma.
