Miðjumaðurinn Heiða Ragney Viðarsdóttir hefur yfirgefið Íslands- og bikarmeistara Breiðabliks og gert tveggja ára samning við sænska félagið Eskilstuna United.
Eskilstuna vann sænsku B-deildina í sumar og leikur því aftur með deild þeirra bestu.
Heiða, sem er 30 ára, var í Breiðabliki í tvö ár en hún er uppalin hjá Þór/KA og lék einnig með Stjörnunni. Á liðnu tímabili skoraði hún fjögur mörk í 22 leikjum með Breiðabliki.
Hún var í fyrra valin í íslenska A-landsliðshópinn fyrir vináttulandsleiki við Bandaríkin en kom ekki við sögu.
Athugasemdir
