Fimm úr liði ársins farnir úr Pepsi Max-deildinni

Hinn 19 ára Valgeir var frábær á síðasta tímabili og var valinn efnilegasti leikmaður deildarinnar. Hann var svo seldur til Häcken í Svíþjóð. Daninn Lasse Petry hélt heim og gekk í raðir HB Köge og Aron Bjarnason er nú genginn í raðir Sirius í Svíþjóð.

Alex Þór Hauksson var fyrirliði Stjörnunnar en þessi U21 landsliðsmaður er ný kominn til Svíþjóðar þar sem hann gekk í raðir Östers.



Þá var Valdimar Þór Ingimundarson valinn í lið ársins þrátt fyrir að hafa ekki klárað tímabilið með Fylkismönnum. Hann var seldur til Strömsgodset í Svíþjóð.

Að auki er einn leikmaður sem var á varamannabekknum í liði ársins einnig farinn út í atvinnumennskuna; Skagamaðurinn Stefán Teitur Þórðarson.

Þess má geta að í útvarpsþættinum Fótbolti.net á X977 næsta laugardag verður opinberuð ný ótímabær spá fyrir Pepsi Max-deildina.

Sjá einnig:
Úrvalslið Pepsi Max-deildarinnar 2020