2. deild kvenna: Allyson með þrennu í stórsigri gegn KH

Allyson Abbruzzi Patterson átti stórleik er Völsungur heimsótti KH í efri hluta 2. deildar kvenna fyrr í dag.

Allyson skoraði þrennu í stórsigri þar sem Húsvíkingar voru komnar í fjögurra marka forystu eftir rétt rúman hálftíma.

Tilraunir heimakvenna til að koma til baka báru engan árangur og urðu lokatölur 2-5 fyrir Völsung.

Völsungur fer upp í annað sæti deildarinnar með þessum sigri og er aðeins tveimur stigum eftir toppliði Fram sem gerði jafntefli við Gróttu fyrr í dag.

Toppbaráttan er gríðarlega spennandi þar sem aðeins fjögur stig skilja fjögur efstu liðin að.