Sjáðu Orra koma Íslandi yfir eftir skemmtilegt spil

Íslenska liðið var heilt yfir betra í fyrri hálfleik og skoraði eina mark hálfleiksins á 37. mínútu.

Hörður Björgvin Magnússon var með boltann vinstra megin við teiginn og fann Hákon Arnar Haraldsson í svæðinu sem sendi hann inn í teig. Ísak Bergmann Jóhannesson lét boltann fara og hann rúllaði til Orra sem kláraði færið af yfirvegun.

Þetta var ellefta landsliðsmark Orra og mikilvægt í baráttunni um að styrkja stöðu Íslands á toppi riðilsins.

Markið má sjá hér fyrir neðan.