Fram kom í viðtali við Frey Alexandersson í gær að Sævar Atli Magnússon væri að spila í gegnum nárameiðsli.
Freyr, sem er þjálfari Lyngby, sagði eftirfarandi eftir sigurinn gegn OB í gær:
Freyr, sem er þjálfari Lyngby, sagði eftirfarandi eftir sigurinn gegn OB í gær:
„Sævar er búinn að vera með í náranum í þrjá mánuði, hann mun harka í gegnum það restina af tímabilinu (fram að vetrarfríi). Svo fer hann í ákveðið meðferðarferli eftir það. Við getum ekki lagað það meðan tímabil er í gangi, hann er víkingur í gegn og mun spila með sársauka. Í vetrarfríinu vinnum við í þessu, það tekur örugglega 8-12 vikur að ná þessu úr honum."
Um kviðslit er að ræða, svokallað 'sports hernia' og spilar Sævar í gegnum sársauka. Hann vildi þó ekki gera of mikið úr meiðslunum þegar hann var spurður út í þau.
„Næstum hver einasti fótboltamaður er með meiðsli og stundum þarftu að bíta á jaxlinn til að komast í gegnum leikina. Þetta er búið að vera smá erfitt fyrir mig, lenti í þessu í byrjun tímabilsins."
„Já, þetta er það (vont á meðan leikurinn er í gangi), en það er erfiðara að æfa. Ég hef verið að taka verkjatöflur. Svona er þetta bara og ég mun alveg komast í gegnum þetta," sagði leikmaðurinn.
Stöðutaflan
Danmörk
Danmörk - karlar
Danmörk
Danmörk - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | FCK | 17 | 9 | 6 | 2 | 32 | 19 | +13 | 33 |
| 2 | Midtjylland | 17 | 10 | 3 | 4 | 31 | 22 | +9 | 33 |
| 3 | Randers FC | 17 | 8 | 6 | 3 | 31 | 19 | +12 | 30 |
| 4 | AGF Aarhus | 17 | 7 | 7 | 3 | 30 | 17 | +13 | 28 |
| 5 | Brondby | 17 | 7 | 6 | 4 | 31 | 22 | +9 | 27 |
| 6 | Silkeborg | 17 | 6 | 8 | 3 | 29 | 23 | +6 | 26 |
| 7 | FC Nordsjaelland | 17 | 7 | 5 | 5 | 30 | 29 | +1 | 26 |
| 8 | Viborg | 17 | 5 | 6 | 6 | 29 | 27 | +2 | 21 |
| 9 | AaB Aalborg | 17 | 4 | 5 | 8 | 18 | 31 | -13 | 17 |
| 10 | Sonderjylland | 17 | 4 | 4 | 9 | 21 | 37 | -16 | 16 |
| 11 | Lyngby | 17 | 1 | 7 | 9 | 12 | 24 | -12 | 10 |
| 12 | Vejle | 17 | 1 | 3 | 13 | 16 | 40 | -24 | 6 |
Athugasemdir
