Kjartan Henry Finnbogason, leikmaður danska B-deildarliðsins Esbjerg, er meiddur og verður frá í tæpan mánuð.
Esbjerg er í mikillri baráttu um að komast upp í efstu deild og því eru þetta slæmar fréttir fyrir Ólaf Kristjánsson og hans lærisveina.
Kjartan Henry fékk högg á hnéð í leik sem var fyrir landsleikjahléið og talið var að hann myndi vera klár í slaginn eftir að landsleikjaglugginn myndi klárast.
Svo reyndist hins vegar ekki og eru meiðslin því verri en talið var í fyrstu. Ólafur Kristjánsson sagði í viðtali við JydskeVelkysten að Kjartan verður ekki klár á næstunni.
Andri Rúnar Bjarnason er einnig á mála hjá liðinu og talaði Ólafur Kristjánsson um það í viðtalinu að nú verði aðrir leikmenn liðsins að stíga upp í fjarveru Kjartans.
Athugasemdir