Istanbul Basaksehir leiðir 1-0 gegn Manchester United eftir um 35 mínútna leik. Eina mark leiksins til þessa skoraði Demba Ba á 13. mínútu leiksins.
Markið kom í kjölfarið á föstu leikatriði hjá United. Boltinn var í leik úti hægra megin á sóknarhelmingi United og var Nemanja Matic aftasti varnarmaður. Aaron Wan-Bissaka tók hlaupið með boltann og átti fyrirgjöf sem var hreinsuð.
Demba Ba var fremsti maður Basaksehir og nýtti hann sér það að Matic var að horfa á boltann og færði sig ofar á völlinn þegar Wan-Bissaka fór af stað með botlann. Matic tók ekki eftir þessari hreyfingu Ba og Wan-Bissaka var farinn úr sinni stöðu.
Fyrirgjöf Wan-Bissaka var hreinsuð, heimamenn áttu tvær sendingar og svo kom ein löng sending í gegn og Ba var kominn einn gegn Dean Henderson. Ba gerði engin mistök og skoraði, engin rangstaða þar sem Ba var vel inn á eigin vallarhelmingi þegar hann fékk sendinguna.
Þetta er svo eðlilegt! pic.twitter.com/8hQi3XcP2o
— Daníel Smári Magnússon 🎡 (@danielmagg77) November 4, 2020
Ég á nokkur svona mörk eins og Demba Ba á ferlinum. Síðasta kom reyndar í 5 flokki á Króksmótinu...
— Auðunn Blöndal (@Auddib) November 4, 2020
Athugasemdir