banner
   sun 05. mars 2023 19:24
Brynjar Ingi Erluson
Ömurleg frammistaða fyrirliðans - Salah fær 10
Mohamed Salah fær fullt hús stiga!
Mohamed Salah fær fullt hús stiga!
Mynd: Getty Images
Mohamed Salah var fullkominn í 7-0 stórsigri Liverpool á Manchester United á Anfield í dag. Sky Sports gefur honum fullt hús stiga eða 10 fyrir frammistöðuna en Bruno Fernandes, fyrirliði United, átti einn versta leik sinn í treyju félagsins.

Salah skoraði tvö mörk fyrir Liverpool og lagði þá tvö upp en þetta var hans langbesti leikur á tímabilinu.

Sky gefur honum 10. Cody Gakpo, Andy Robertson og Darwin Nunez fá allir 9 en enginn leikmaður í byrjunarliðinu fær undir 8.

Það er önnur saga með lið United. Bruno Fernandes, fær 2 frá Sky, en frammistaða hans í síðari hálfleik var ein sú versta síðan hann kom til félagsins frá Sporting.

David De Gea, Wout Weghorst og Luke Shaw fá þrjá. Enginn leikmaður í byrjunarliði United fékk hærri einkunn en 4.

Liverpool: Alisson (8), Alexander-Arnold (8), Konate (8), Van Dijk (8), Robertson (9), Elliott (9), Fabinho (8), Henderson (8), Salah (10), Nunez (9), Gakpo (9).
Varamenn: Jota (6), Bajcetic (7), Milner (6), Firmino (8).

Man Utd: De Gea (3), Dalot (4), Varane (4), Martinez (4), Shaw (3), Casemiro (4), Fred (4), Fernandes (2), Weghorst (3), Rashford (4), Antony (4).
Varamenn: McTominay (4), Garnacho (5), Malacia (5), Sabitzer (5).
Athugasemdir
banner
banner
banner
banner