West Ham United var slegið úr Evrópudeildinni fyrr í kvöld og voru Hamrarnir ekki alltof sáttir með dómgæsluna.
David Moyes var rekinn útaf á 77. mínútu leiksins fyrir að dúndra boltanum í pirringi, en hann var næstum búinn að hæfa þýska boltastelpu í andlitið með skotinu.
„Ég verð að biðjast afsökunar fyrir að sparka í boltann en boltastrákurinn kastaði boltanum alltof stutt og hann skoppaði fullkomlega fyrir mig," sagði Moyes um rauða spjaldið að leikslokum.
Miklar líkur eru á því að Moyes verði sektaður og muni biðja boltastelpuna afsökunar á hegðun sinni.
Athugasemdir
