Emil Lyng skoraði 3 í dag
Emil Lyng, framliggjandi miðjumaður KA spilaði mjög vel í 4-1 sigri á Víkingum frá Ólafsvík og skoraði hann þrjú af 4 mörkum sinna manna.
Lestu um leikinn: Víkingur Ó. 1 - 4 KA
"þrír punktar, útileikur, mjög erfiður leikur og þökk sé Grímsa þá náði ég að klára þrennuna undir lokin og þetta var nánast fullkominn leikur. Ég er kominn með 5 mörk í heildina og mér líður mjög vel að spila fyrir aftan Elfar þessi staða hefur hentað mér mjög vel og vonandi náum við að halda þessu áfram"
Annað mark Emils í dag kom eftir innkast þar sem Emil náði að flikka boltanum yfir pakkann og í netið. Það er ekki oft sem maður sér mark beint úr innkasti en Emil vill ekki meina að þetta hafi verið eitthvað skrípamark eða happa mark
"Fyrir mér var þetta ekkert skrítið mark vegna þess að við vinnum mikið með þettta á æfingum að taka löng innköst og að reyna flikka boltanum. Þetta virkaði vel í fyrsta heimaleik þar sem ég náði að flikka boltanum á Elfar á fjær, í þetta skipti náði ég að flikka honum beint í netið" sagði Emil léttur í lund
Sjá má viðtalið í heild sinni hér að ofan
Athugasemdir
