Stefán Gíslason til Bröndby (Staðfest)

Stefán sem er 27 ára hefur skorað tíu mörk í 80 leikjum með Lyn síðan hann kom til liðsins frá Keflavík árið 2005.

Stefán sem er íslenskur landsliðsmaður hefur leikið frábærlega með Lyn á þessari leiktíð og nú hefur Bröndby krækt í hann og mun hann hefja æfingar með danska félaginu á mánudaginn.

,,Ég er hæstánægður með að þetta sé loksins frágengið. Þetta er búið að vera langur vinnslutími á þessu og hefur haft áhrif á hausinn á manni," sagði Stefán við heimasíðu Bröndby.

,,Ég hef ekki verið í neinum vafa á neinum tímapunkti, því Brøndby hefur verið minn fyrsti kostur allann tímann, en það voru nokkrir hlutir sem þurftu að komast á hreint áður en gengið var frá þessu. Mér er mikið létt að þetta sé frágengið."

,,Ég hef einungis heyrt jákvæða hluti um Brøndby. Einn af stærstu klúbbum í Skandinavíu og með frábærar aðstæður. Bara að horfa á leikvanginn segir allt sem segja þarf, sagði Stefán og skimar yfir Brøndby Stadion.