Bartosz Matoga er kominn í Reyni.
Sandgerðingar náðu að þétta raðirnar í lok félagaskiptagluggans. Reynir er í 4. sæti 3. deildar og á möguleika á að fara aftur upp í 2. deild eftir að hafa fallið á síðasta tímabili.
Markvörðurinn Bartosz Matoga er komin á láni frá grönnunum í Njarðvík. Hann hefur spilað tvo leiki með Njarðvík í sumar og varði mark Árbæjar í 3. deildinni í fyrra. Koma hans sendi af stað smá markmannskapal. Ingólfur Hávarðason fór frá Sandgerðingum til Álftaness og Njarðvík kallaði Daða Fannar Reinhardsson til baka frá Árbæ.
Markvörðurinn Bartosz Matoga er komin á láni frá grönnunum í Njarðvík. Hann hefur spilað tvo leiki með Njarðvík í sumar og varði mark Árbæjar í 3. deildinni í fyrra. Koma hans sendi af stað smá markmannskapal. Ingólfur Hávarðason fór frá Sandgerðingum til Álftaness og Njarðvík kallaði Daða Fannar Reinhardsson til baka frá Árbæ.
Reynir fékk þrjá leikmenn til viðbótar fyrir gluggalok. Samúel Skjöldur Ingibjargarson kom frá grönnunum í Höfnum og Sigurður Orri Ingimarsson kom á láni frá ÍR. Sigurður Orri lék með Reyni 2023 og skoraði sex mörk það sumarið.
Í dag fékk svo Eistinn Johann Köre leikheimild með Reyni. Hann er 21 árs miðjumaður sem á yfir 20 unglingalandsleiki að baki fyrir Eista og var í Viimsi í næst efstu deild Eistlands.
Næsti leikur Reynis verður á útivelli gegn Ými á laugardaginn.
3. deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Magni | 19 | 14 | 2 | 3 | 53 - 21 | +32 | 44 |
| 2. Hvíti riddarinn | 19 | 14 | 1 | 4 | 55 - 28 | +27 | 43 |
| 3. Augnablik | 20 | 12 | 5 | 3 | 47 - 26 | +21 | 41 |
| 4. Reynir S. | 20 | 9 | 5 | 6 | 45 - 44 | +1 | 32 |
| 5. Tindastóll | 19 | 9 | 2 | 8 | 43 - 33 | +10 | 29 |
| 6. KV | 19 | 8 | 4 | 7 | 60 - 44 | +16 | 28 |
| 7. Árbær | 19 | 8 | 4 | 7 | 43 - 43 | 0 | 28 |
| 8. Ýmir | 19 | 5 | 6 | 8 | 31 - 33 | -2 | 21 |
| 9. KF | 19 | 5 | 5 | 9 | 34 - 33 | +1 | 20 |
| 10. Sindri | 19 | 5 | 4 | 10 | 30 - 41 | -11 | 19 |
| 11. KFK | 19 | 4 | 3 | 12 | 24 - 47 | -23 | 15 |
| 12. ÍH | 19 | 1 | 1 | 17 | 26 - 98 | -72 | 4 |
Athugasemdir
