96% líkur á að Ísland komist aftur upp í B-deildina

Eftir sannfærandi sigur Íslands gegn Búlgaríu á laugardaginn eru 96% líkur á því að Ísland muni komast aftur upp í B-deild Þjóðadeildarinnar, samkvæmt útreikningum Football Rankings.

Efsta lið riðilsins mun tryggja sér sæti í B-deildinni en liðið sem endar í öðru sæti mun fara í umspil um að komast upp.

Á morgun mætast Eistland og Ísland í Tallinn. Eistland er með fimm stig í öðru sæti, tveimur stigum á eftir Íslandi sem trónir á toppnum.

Ísland er mun sigurstranglegra liðið fyrir leik morgundagsins. Epicbet er með stuðulinn 1,61 á sigur Íslands en 5,56 á sigur Eistlands. Jafntefli er með stuðulinn 4,02.