Pickford ákærður fyrir gáleysislegan akstur

Pickford virti biðskyldumerki að vettugi og svínaði fyrir tvo bíla sem þurftu báðir að nauðhemla til að koma í veg fyrir árekstur.

Pickford, akandi í 200 þúsund punda Lamborghini bifreið sinni, brunaði í burtu eftir atvikið en hann tók ekki eftir því að lögreglubifreið hafði fylgst með atburðarásinni.

Pickford braut umferðarlög með hraðakstri en stöðvaði bifreið sína þegar hann tók eftir bláu ljósunum á lögreglubílnum sem veitti honum eftirför.

Pickford, 32 ára landsliðsmarkvörður Englands, hefur játað brot sitt og verður dómur kveðinn í desember.