Leikvangurinn í Podgorica.
Kvennalandslið Svartfellinga lék á vellinum í Podgorica fyrir einni og hálfri viku.
Á heimasíðu fótboltasambands Svartfjallalands er greint frá því að komandi heimaleikir landsliðsins, gegn Íslandi og Tyrklandi í Þjóðadeildinni, verði spilaðir í borginni Niksic en ekki í höfuðborginni Podgorica.
Þar segir að skoðun UEFA á þjóðarleikvangnum í Podgorica hafi leitt í ljós að vallarflöturinn sé ekki nægilega góður. Heimaleikur Svartfellinga gegn Wales í september var einnig spilaður í Niksic þar sem völlurinn í Podgorica þótti óleikhæfur.
Svartfellingar segja að talsverð bæting hafi orðið á vellinum síðan í september en þó ekki nægilega mikil að mati UEFA. Á heimasíðu UEFA er þó enn ekki búið að breyta leikstað og hann er enn skráður í Podgorica.
Þar segir að skoðun UEFA á þjóðarleikvangnum í Podgorica hafi leitt í ljós að vallarflöturinn sé ekki nægilega góður. Heimaleikur Svartfellinga gegn Wales í september var einnig spilaður í Niksic þar sem völlurinn í Podgorica þótti óleikhæfur.
Svartfellingar segja að talsverð bæting hafi orðið á vellinum síðan í september en þó ekki nægilega mikil að mati UEFA. Á heimasíðu UEFA er þó enn ekki búið að breyta leikstað og hann er enn skráður í Podgorica.
Athygli vekur að kvennalandslið Svartfjallalands lék á vellinum í Podgorica gegn Finnlandi í umspilsleik fyrir EM fyrir einni og hálfri viku síðan.
Það er um klukkutíma akstursfjarlægð frá Podgorica til Niksic. Leikvangurinn í Niksic tekur aðeins um 5 þúsund áhorfendur en þjóðarleikvangurinn tekur rúmlega tvöfalt fleiri.
Leikur Svartfjallalands og Íslands fer fram laugardaginn 16. nóvember. Svartfellingar eru á botni riðilsins en við Íslendingar erum í þriðja sæti, sem er umspilssæti um að halda sæti sínu í B-deildinni.
Landslið karla - Þjóðadeild
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Wales | 6 | 3 | 3 | 0 | 9 - 4 | +5 | 12 |
| 2. Tyrkland | 6 | 3 | 2 | 1 | 9 - 6 | +3 | 11 |
| 3. Ísland | 6 | 2 | 1 | 3 | 10 - 13 | -3 | 7 |
| 4. Svartfjallaland | 6 | 1 | 0 | 5 | 4 - 9 | -5 | 3 |
Athugasemdir
