Andrea Mist skoraði tvö mörk beint úr horni.
Agla María hefur farið frábærlega af stað í sumar og er alltaf í sterkasta liði umferðarinnar.
Jón Óli er þjálfari umferðarinnar.
Þriðja umferð Bestu deildarinnar lauk í kvöld með fjórum leikjum. Breiðablik situr á toppnum með fullt hús, rétt eins og nýliðar ÍBV sem fóru á Hlíðarenda í kvöld og tóku þar sigur.
Jón Óli Daníelsson er sterkasti þjálfari umferðarinnar og eru Embla Harðardóttir og Olga Sevcova úr ÍBV í sterkasta liði umferðarinnar.
Jón Óli Daníelsson er sterkasti þjálfari umferðarinnar og eru Embla Harðardóttir og Olga Sevcova úr ÍBV í sterkasta liði umferðarinnar.
Agla María Albertsdóttir hefur byrjað mótið frábærlega og hefur verið í sterkasta liði umferðarinnar í fyrstu þremur umferðunum. Hrafnhildur Ása Halldórsdóttir, liðsfélagi hennar, hefur ekki verið mikið síðri en hún var maður leiksins í 4-2 sigri Breiðabliks á Víkingi í kvöld. Þær tvær verða algjörir lykilmenn fyrir Breiðablik í sumar.
FH vann sinn fyrsta sigur í sumar er þær lögðu Grindavík/Njarðvík í kvöld, 2-1. Genevieve Crenshaw, markvörður gestana, var maður leiksins og landsliðskonan Ída Marín Hermannsdóttir var frábær í liði FH.
Þróttur vann nokkuð þægilegan 0-3 sigur á Fram og þar voru Sæunn Björnsdóttir, Jelena Tinna Kujundzic og Sigríður Theódóra Guðmundsdóttir voru öflugar í liði Þróttar í leiknum.
Þá gerðu Þór/KA og Stjarnan 2-2 jafntefli á Akureyri. Andrea Mist Pálsdóttir skoraði tvö mörk beint úr horni og Amalía Árnadóttir var lykilmaður í endurkomu Þórs/KA.
Næsta umferð, fjórða umferðin, hefst næsta sunnudag og lýkur á mánudaginn.
