Þrír leikir fóru fram í 2. deild kvenna í dag en Hamrarnir unnu stórsigur á KM á meðan KH vann Sindra nokkuð örugglega, 4-1.
Margrét Mist Sigursteinsdóttir skoraði fjögur mörk fyrir Hamrana í Boganum. Hafrún Mist Guðmundsdóttir skoraði þá tvö fyrir liðið en Ester Helga Þóroddsdóttir, Tinna Arnarsdóttir og Una Móeiður Hlynsdóttir komust einnig á blað.
Þetta var annar sigur Hamrana í fjórum leikjum en liðið er með sex stig. KM er enn án stiga en þetta er fyrsta tímabil liðsins í deildarkeppni.
Fjarðabyggð/Höttur/Leiknir lagði þá Hamar að velli, 2-0. Freyja Karín Þorvarðardóttir gerða fyrra markið en það síðara var sjálfsmark. FHL er með fullt hús stiga í 2. deildinni og með markatöluna 17:6.
KH vann þá Sindra, 4-1. Katla Tryggvadóttir skoraði tvívegis fyrir gestina. Snæfríður Eva Eiríksdóttir og Eva Stefánsdóttir skoruðu einnig en Guðrún Ása Aðalsteinsdóttir gerði eitt mark undir lokin fyrir Sindra.
KH er í þriðja sæti með 9 stig en Sindri í tíunda sæti með aðeins 3 stig.
Úrslit og markaskorarar:
Hamrarnir 9 - 0 KM
1-0 Margrét Mist Sigursteinsdóttir ('6 )
2-0 Hafrún Mist Guðmundsdóttir ('19 )
3-0 Margrét Mist Sigursteinsdóttir ('31 )
4-0 Hafrún Mist Guðmundsdóttir ('42 )
5-0 Ester Helga Þóroddsdóttir ('45 )
6-0 Margrét Mist Sigursteinsdóttir ('45 )
7-0 Margrét Mist Sigursteinsdóttir ('50 )
8-0 Tinna Arnarsdóttir ('54 )
9-0 Una Móeiður Hlynsdóttir ('85 )
Hamar 0 - 2 Fjarðabyggð/Höttur/Leiknir
0-1 Freyja Karín Þorvarðardóttir ('20 )
0-2 Fanney Úlfarsdóttir ('69, sjálfsmark )
Sindri 1 - 4 KH
0-1 Snæfríður Eva Eiríksdóttir ('19 )
0-2 Katla Tryggvadóttir ('28 )
0-3 Katla Tryggvadóttir ('76 )
0-4 Eva Stefánsdóttir ('85 )
1-4 Guðrún Ása Aðalsteinsdóttir ('90 )
Athugasemdir