Áslaug Munda var skiljanlega svekkt með úrslitin
Úr leiknum
Sandra var frábær í markinu
Áslaug Munda Gunnlaugsdóttir var eðlilega sár og svekkt eftir 1-0 tapið fyrir Hollandi í Utrecht í kvöld, en nú fer öll einbeiting á umspilsleikinn.
Lestu um leikinn: Holland 1 - 0 Ísland
Íslenska liðið þurfti að verjast vel gegn Hollandi og gekk það ágætlega upp. Holland fékk fullt af færum til að skora í fyrri hálfleik en heppnin var ekki með þeim.
Í þeim síðari varðist íslenska liðið betur og skapaði Holland sér ekki jafn mörg færi og í þeim fyrir. Örvænting greip um sig og fyrirgjafirnar orðnar hans margar og það langt frá teig en ein þeirra heppnaðist og það á þriðju mínútu í uppbótartíma. Súrt og Áslaug Munda viðurkennir það.
„Já, algjörlega. Þetta var góð lýsing, þetta var mjög vont. Mjög mikið svekkelsi. Við vorum búnar að halda í 90 plús mínútur, mikill varnarleikur og mikil barátta og mjög svekkjandi að fá þetta mark á sig," sagði Áslaug við fjölmiðla.
Þetta var hennar erfiðasti leikur með landsliðinu til þessa.
„Erfitt, mikið hlaup og mikil barátta, en þetta var aðeins öðruvísi leikur en við erum vanar. Við vissum hvað var undir og ætluðum að vera þéttar fyrir og ekki hleypa þeim á markið. Þetta var svolítið stöngin út hjá þeim en við bara héldum áfram."
„Já, mætti segja það. Þetta var sá leikur sem var hvað mest undir og ég spila mikið."
Íslenska liðið var hátt uppi til að byrja með af spennu en þær náðu að stilla sig af og kom meiri ró í liðið þegar leið á leikinn.
„Mér fannst það en við þurftum að ná okkur niður á jörðina og vorum hátt uppi enda mikið undir. Um leið og við náðum okkur á ról og það kom talandi og hjálpsemi í liðinu þá var þetta flott."
Sif Atladóttir gaf henni góða punkta bæði fyrir leik og í hálfleik.
„Persónulega hjálpaði hún mér mikið fyrir leik og í hálfleik. Hún var að hjálpa okkur og gefa okkur smá 'tips' hvað mátti gera betur og það hjálpaði mér."
Áslaug hrósaði Söndru sérstaklega í markinu. Hún varði mörg frábær færi og var þetta hennar besti leikur í landsliðstreyjuni þó hún hafi átt frábæra leiki á Evrópumótinu. Hún verður bara betri með hverjum leiknum.
„Sandra var frábær og gerði vel í að pirra áhorfendur og leikmenn en hún átti mjög góðar vörslur og var örugg í markinu. Þetta mark var alls ekki á henni og frábært að spila með henni."
„Það var mjög svekkjandi og ég var alveg upp við það. Þetta var mjög grátlegt."
Kvöldið verður fúlt en nú er einbeitingin komin á umspilsleikinn sem fer fram í október.
„Ég verð fúl í kvöld og mamma fær örugglega símtal en held að eftir daginn í dag þýðir ekkert annað en að færa hausinn yfir á næsta leik og klára það," sagði Áslaug í lokin.
