Í tveggja leikja bann fyrir að taka um háls áhorfanda

Aganefnd enska fótboltasambandsins hefur dæmt Krystian Bielik, varnarmann Cardiff City, í tveggja leikja bann vegna hegðunar í leik gegn Portsmouth. Hann tók um hálsinn á ungum áhorfanda.

Bielik hafði farið sækja bolta sem fór upp í stúku. Áhorfandi, ungur stuðningsmaður heimaliðsins, hélt á boltanum og kastaði honum í burtu.

Bielik brást illa við og tók áhorfandann hálstaki, sem svaraði með að slá frá sér og var að lokum vísað út af leikvanginum.

Bielik tekur út bannið í leikjum gegn Blackburn og Watford í ensku Championship-deildinni.