Ágúst Gylfason í Fjölni (Staðfest)

Ágúst skrifar undir eins ár samning við Fjölni en liðið mun leika í Landsbankadeildinni á næstu leiktíð í fyrsta skipti í sögu félagsins.

Þessi 36 ára gamli leikmaður getur leikið bæði á miðjunni og í vörninni en hann hefur leikið með KR undanfarin fjögur ár og í sumar kom hann við sögu í níu leikjum liðsins í Landsbankadeildinni.

Ágúst hefur einnig leikið með Val og Fram hér á landi og þá lék hann með Brann í Noregi um nokkurra ára skeið.

Hann hafði tilboð frá Reyni Sandgerði og Leikni en hafnaði þeim og hefur ákveðið að ganga í raðir Fjölnis.