Pétur Örn Svansson í Víking (Staðfest)

Pétur gerir tveggja ára samning við Víkinga en hann var samningslaus hjá Leikni. Hann er 22 ára lék vel í fyrstu deildinni í sumar og skoraði sex mörk í átján leikjum en öll mörkin skoraði hann í fyrri hluta mótsins. Í fyrra skoraði hann tvö mörk í sautján leikjum þegar að Leiknir sigraði aðra deildina.

Hann er þriðji leikmaðurinn sem gengur til liðs við Víkinga í sumar, áður höfðu komið þeir Gunnar Kristjánsson frá KR og Björn Viðar Ásbjörnsson frá Fylki auk þess sem Egill Atlason mun leika með liðinu á ný. Víkingar hafa misst Viktor Bjarka Arnarson til Lilleström og Daníel Hjaltason í Val.